MEDIA19 dot ID

Ajeg Bali untuk Indonesia

Kawijakan Pemerintah Nampénin Pandemi Sampun Becik

1 min read

Média Bali/IST Ilustrasi kramané nganggé masker.

JAKARTA, Media Bali – Pakar Keséhatan masyarakat, Prof. Hasbullah Thabrany, nuréksain utsaha nampénin pandemi sané kamargiang olih pemerintah sapisanan pangupaya nglimbakang ékonomi sampun becik tur patut.

“Ring sajeroning sané kalaksanayang punika, mangda ngutamayang protokol keséhatan sida mamargi becik,” baos dan-e ring Jakarta, Anggara Kliwon Dukut (19/1).

Manut Hasbullah, nampénin keséhatan krama tur nglimbakang ékonomi sané kautsahayang olih pemerintah patut pisan kasokong. Santukan, nampénin keséhatan rauh mangkin kalaksanayang sinarengan antuk nglimbakang perékonomian.

“Sampunang kantos ékonomi kakaonang. Keséhatan miwah ékonomi mangda mamargi sinarengan,” baos dané.

Dané nureksain, ring kalih pamargin punika sané kautamayang inggih punika protokol keséhatan sida rajeg kalaksanayang sajeroning nambakin panglalah Covid-19.

“Krama dados malelungan wiadin ka jaba, maparikrama nanging setata éling anutin protokol 3M mangda angga sarira nénten keni virus puniki,” baos Hasbullah.

Protokol 3M inggih punika rajeg ngwajikin tangan nganggén sabun utawi sabun penyanitasi tangan,  nganggén masker, nyaga jarak miwah nénten mapupul.

Salami pamargin protokol keséhatan kalaksanayang, ipun maosang utsaha nambakin panglalah virus SARS-CoV-2  janten sida mamargi becik.

Punika mawinan, pahan sané dahat kautamayang sajeroning nambakin panglalah Covid-19 inggih punika pengendalian. Sané mangkin, risiko angga keni Covid-19 janten wénten yadiastun sampun meneng ring jero, santukan kantun akéh panglalah ring klaster kulawarga. ant/005/adt

Tinggalkan Balasan

Alamat email Anda tidak akan dipublikasikan.

Copyright © Media Bali 2021 | Newsphere by AF themes.