MEDIA19 dot ID

Ajeg Bali untuk Indonesia

245 Nakes Gianyar Nénten Sida Kavaksin

1 min read

Média Bali/013 Vaksinasi nakes ring Gianyar

GIANYAR, Média Bali  – Kawéntenan 245 diri tenaga keséhatan (nakes) ring Gianyar kajantenang nénten nyangkepin prasarat  vaksinasi.  Indiké punika metu santukan para nakes madué penyakit penyerta utawi komorbid.

Plt Kepala Dinas Keséhatan Kabupatén Gianyar, dr. Ida Komang Upéksa, rahina Soma Pon Sinta (1/2) maosang ngantos tangga  30 Januari 2021 wénten 2.841 diri nakes sané rauh antuk nglaksanayang vaksinasi. Para nakes punika jagi kavaksin ring 20 fasilitas layanan kesehatan (fasyankes) sané wénten ring Kabupatén Gianyar. Nanging, sangkaning kawentenan inucap, wantah  2.395 diri nakes sané sida kavaksin sasampun kajantenang sida nagingin samian prasarat vaksinasi.

“Parindikan puniki mamargi sangkaning wénten 245 diri nakes sané nénten sida nyangkepin prasarat vaksinasi sakadi madué panyungkan penyakit penyerta utawi komorbid. Angga sané naenin keni Covid-19 taler nénten sida kaicén vaksin,” baos dané.

Lianan ring punika, wénten  201 diri nakes taler kaandegang vaksinasi ipun santukan tatkala jagi kavaksin nakes punika kantun  madué tensi tinggi, mobot, kantun madué anak alit miwah sane tiosan. “Ipun nénten  lolos screening keséhatan, sané ngawinang kaandegang ngantos kahanan pun kakantenang sampun becik,” tuges dané.

Paiketannyané taler nargetang ring sajeroning pamargin vaksinasi majeng nakes gelis puput. 013

Tinggalkan Balasan

Alamat email Anda tidak akan dipublikasikan.

Copyright © Media Bali 2021 | Newsphere by AF themes.