MEDIA19 dot ID

Ajeg Bali untuk Indonesia

100 Béasiswa Kasiagayang Pemerintah India

2 min read
Wakil Gubernur Bali,Tjokodra Oka Artha Ardana Sukawati nyukserahang cenderamata majeng ring Duta Besar India untuk indonesia .Y;M.Shri Manoj L.Bharti,ring Kantor Wakil Gubernur Bali, Denpasar,Buda Paing Wariga (17/3).

Wakil Gubernur Bali,Tjokodra Oka Artha Ardana Sukawati nyukserahang cenderamata majeng ring Duta Besar India untuk indonesia .Y;M.Shri Manoj L.Bharti,ring Kantor Wakil Gubernur Bali, Denpasar,Buda Paing Wariga (17/3). MEDIA BALI/IST

Cihna Negepang Kerjasama Bilateral Indonesia-India

Dénpasar, Média Bali –  Antuk kawéntenan 100 béasiswa kasiagayang Pemerintah India majeng parajana Indonésia. Béasiswa inucap pinaka cihna utsaha ring sajeroning negepang kerjasama bilateral makakalih panegara sané sampun kawangun daweg masan pangawit kamahardikan Indonésia lan India.

Parindikan beasiswa inucap kabaosang olih Duta Besar India untuk Indonesia, Y.M. Shri Manoj L. Bharti, ring pamargin sangkepan sané kasarengin Wakil Gubernur Bali, Tjokorda Oka Artha Ardana Sukawati (Cok Ace) ring Kantor Wakil Gubernur Bali, Dénpasar, Buda Paing Wariga (17/3).

“Pemerintah India nyiagayang 100 béasiswa sané katujuang majeng parajana Indonésia. Kaaptiang taler krama Bali sida ngawigunayang wantuan béasiswa inucap,” baos dané.

Lianan punika, ngeninin indik pawangunan makakalih panegara puniki kakantenang kantun ngamargiang makatah proyék. Bharti mapangapti silih tunggil pahan sané kantun kalaksanayang inucap sida kawangun ring Bali.

“Titiang ka Bali nganggén jalur darat, sinambi nyelehin prakanti antuk widang sané prasida kalaksanayang,” wedar dané.

Nampénin indik punika, Cok Ace ngicénin aprésiasi majeng Pemerintah India. Ida nlatarang, prakanti pantaraning Indonésia utamannyané Bali sareng India sampun kawangun daweg riin, kahanan punika sida kacihnayang saking akulturasi budaya India majeng Bali.

“Mawit saking kawéntenan inucap, kaaptiang antuk jalaran nincapang prakanti puniki, sida ngawangun sané sayan raket pantaraning makakalih panegara,” baos ida.

Ketua PHRI Bali puniki taler maosang indik Free Covid-19 Corridor sané kantun karancang antuk mungkah pariwisata Bali. Ring makatah panegara tengah kadadosang tetujon sajeroning program inucap, minakadi India, Belanda, miwah panegara Timur Tengah.

“Punika taler kaaptiang sokongan saking India antuk ngajantenang krama irika mangda rauh ka Bali pradé program inucap sampun mamargi,” weweh ida. 005/adt

Tinggalkan Balasan

Alamat email Anda tidak akan dipublikasikan.

Copyright © Media Bali 2021 | Newsphere by AF themes.